🅱اليوم غادي نتكلمو على التعويضات على التحاليل البيولوجية من طرف كنوبس و الضمان الإجتماعي
سبق لينا تكلمنا على التعريفات ديال مجموعة من العلاجات و اليوم جاء الدور على التحاليل
عندنا 2 ديال المعاملات ضروري نعرفوهوم باش نحددو هاد التعريفة
اولا : الحرف B لي هو الرمز التعريفي ديال التحاليل (غاتكونو شفتوه فالفاتورة ديال التحاليل) و القيمة ديالو هو 1،1
ثانيا : القيمة العددية المعرفة لكل تحليلة
و فاش تانبغيو نحسبو التعريفة ديال شي تحليلة تنضربو القيمة العددية ديالها ف B أي في 1،1
نعطيكم مثال ساهل باش تفهمو أكثر مثلا glycémie لي كولشي تايعرفها لي هي تحليلة ديال السكر في الدم
القيمة العددية باش معرفة glycémie هو 30 و بالتالي التعريفة ديالها هي 30 مضروبة في 1،1 لي تاتساوي 33 درهم
و لي باقي ماعرفش لاش تاتصلاح التعريفة المرجعية لي هضرنا عليها بزاف ديال المرات راه هي لي على أساسها تاتعوض كنوبس و الضمان الإجتماعي الملفات المرضية
و هادي هي القائمة الكاملة ديال القيم العددية ديال كل التحاليل لي بغا يطالع عليها :
و إذا كنتو مهتمين أكثر بهاد الموضوع و بغيتو نديرو فيديو توضيحي كتبوها ليا فالتعاليق
إرسال تعليق
شكرا على تعليقك الجميل